PALECO katuwang ang DELTA P., Inc. at VIVANT Energy Corp. at VIVANT Foundation, Inc. nagdonate ng 500 pcs. COVID-19 Antigen Rapid Test sa Pamahalaang Lungsod

Pormal ng ibinigay sa Pamahalaang Lungsod ang donasyong mga COVID-19 Antigen Rapid Test Kits mula sa inisyatibo ng Palawan Electric Cooperative (PALECO), katuwang ang Delta P, Inc., Vivant Energy Corporation, at Vivant Foundation Inc., nitong Hunyo 24, 2021 sa Atrium ng New Green City Hall. Ang nasabing Donasyon ay malugod na tinaggap nina Incident Management Team-Commander Dr. Dean Palanca at City Administrator Atty. Arnel Pedrosa.

Ang donasyon ay naglalaman ng 20 boxes ng Abbott Panbio Covid-19 Antigen Rapid Test Kits. May kabuuang 500 test kit ang nasabing donasyon.

Matapos ang pagturn-over ay pumirma sa deed of donation sina IMT- Commander Doc Dean Palanca, PALECO Board Director for District 1 Maylene Del Rio Ballares, at Delta P, Inc. Plant Manager Engr. Christopher Navarro.

Sumaksi sa gawain sina PALECO Director for District 2 Moises Arzaga Jr., PALECO Director for District 4 Marrietta Seratubias, Engr. Alex Pedrosa ng PALECO, Jheson Fonacier mula rin sa PALECO, at si Delta P Business Development Manager Cherry De Dios.

Ayon kay Director Ballares, sa nababasa nilang mga COVID updates, nakita ng Board ang pangangailangan ng mga testing kits. Kaya nagkusa at kinausap nila ang mga partners na magsagawa ng donasyon. “Since the City IMT played a big role sa recovery namin nang tinamaan kami ng pandemic, without hesitation we supported PALECO’s initiative though we have other collaboration project with the city government since the pandemic started” ang sabi ni Ms. Cherry De Dios ng Delta P. Dagdag pa niya na ang donasyon ay galing sa Company Vivant Energy Corporation at ang grupo nila ang nagproseso.

Pasasalamat naman ang winika nina Doc Dean Palanca at Atty. Pedrosa sa donasyong tinanggap. Ito ay makakatulong sa pagtest sa mga kababayan na tinamaan o hinihinalang tinamaan ng COVID-19.